لا اعرف ما الذىي دفعنى لاقص عليكم حياتى ربما لشعورى بانى مصرى كأى مواطن فيكم اعاني ما تعانوه من سخافات و يعجز عقلى كثيرا عن فهم ما يحدث حولى
لا اعرف لما تم بنائى ربما لنزاع بين ارض لاحد المواطنين و ارض حكوميه بنيت عليها مدرسه طالما ساعدنى حائط تلك المدرسه لى فهم ما يحث حولى
بمساحه تقرب من 2*6 م كنت مرحاضا عاما بكل ما للكلمه من معنى اول فترات حياتى
حتى ادرك احد الشباب موقعى الممتاز وهنا بدأت قصتى مع البوسترات
اتقسمت الحيطه جزئين جزء للعايا عن البرنس و الكبده و نص ع جيم فاتح جديد
الدهان بيروح وييجى ف المجمل منهم كورسات تنميه بشريه اللى ادتنى احساس انى لو شديت حيلى ممكن اقلب بنى ادم
او استاذ محسن فايد اللى بدأ ب ويل ديورانت الثانويه العامه و تقريبا محدش فهم فحوله ل سليم حسن و بعد كده الرافعى و بعد كده الجبرتى ولما زهق من عدم فهم الناس كتبلعم "محسن فايد بتاع تاريخ ثانويه عامه "
حيطه مالهاش ف السياسه لحد ما جالى زوار الفجر لونوا الحيطه ابيض ورشوها ملح و كتبوا "الاسلام هو الحل"
منكرش فرحتى بس للاسف كلها ساعتين و لقيت زوار بعد الفجر واحد قال للتانى "شوفت ولاد الوسخه بيربطوا الاسلام بحيطه كانت مبوله امسح يا ابنى امسح"
ومن يومها وانا بكره زوار الفجر
وملانى بوسترات انتخابات الحزب الوطنى
الحقيقه كنت بحب بوسترات الحزب الوطنى كانت بتعيش البوستر من دول يتلزق ميتشلش الا ف الانتخابات اللى بعدها بوسترات لا يؤثر فيها عوامل زمن كده
النحت والتعريه مش معارضه
كانت بتتشال مع زوار بعد الفجر وتتبدل ل "نعم للدستور" "كمان فتره يا ريس"
لحد ما جالى شعار جديد اتلخص ف " كفايه" وبعدها " 6 ابريل"
استغربت زوار بعد الفجر اتأخروا ليه بس برده شالوها وحطو "مصر جمال"
مصر طول عمرها جميله ع فكره
صحيت في يوم ع كتابه "عيش حريه عداله اجتماعيه" فرحت بءا زوار بعد الفجر جايين بس مجوش
شويه واتبيضت واتكتب نعم
جه واحد خلاه لا
شويه وواحد كتب "يسقط يسقط حكم العسكر"
اتشالت اول 3 جمل و اتحول "العسكر فوق راسنا"
اتبرجلت انا مين فيهم
استنيت شعار زوار الفجر مع كرهى ليهم كل يوم مستنيه ساعه الفجر مبيجوش
لحد ما عرفت انهم جم بس مكتبوش عليه
شوفت بعيد لقيت اللى كان بيكتب عليه كاتب جمله مفهمتهتش منها غير "حمل"
معرفتش ده بءا اللى قبل الولاده و الا الرفع و الا العبء
استنيت بوسترات الحزب الوطنى بس لاقيت صوره كبيره كلها دقون وسطهم صوره ورده
قولت بس اكيد دى ورده حضرت تنميه بشريه
دولتنا بتقدر اللى بيتعب
وفضلت ف فراغ كبير
اتبيضت واتدهنت
"تمرد 30/6" مفهمتش
"يسقط يسقط حكم المرشد"
شويه ورجع زوار الفجر الفجر
شويه و اخر 3 حروف اتشخبط عليهم واتبدلو ب "عرص" و اتكتب عليه خمس مرات 4
شويه و اتشال اول حرف من اول كلمتين و اتحط "مرسي" ف الاخر واتشخبط ع "4"
قولت للى كتب العفو
اللى كتب لا جه يكتب نعم
واللى كان حولها ل نعم حولها تانى ل لا
بصره
شويه و اتبيضت الحيطه خالص واتقسمت نصين
النص الاول اتكتب فيه "ليه تبءا رئيس وينادوا بسقوطك لما ممكن تجيلى وتنجح ا محسن فايد نيوتن التاريخ ف الثانويه"
الحيطه التانيه اتكتب عليها
"سيبك من اباحيه السياسه وخليك ف الاباحيه بتاعتنا كوارع البرنس افشخ من سوبر فياجرا باب المطبخ_COOK DOOR_ "
وهذه شهادتى
الامضاء "حائط مصرى مش فاهم وضعه الدستورى"
لا اعرف لما تم بنائى ربما لنزاع بين ارض لاحد المواطنين و ارض حكوميه بنيت عليها مدرسه طالما ساعدنى حائط تلك المدرسه لى فهم ما يحث حولى
بمساحه تقرب من 2*6 م كنت مرحاضا عاما بكل ما للكلمه من معنى اول فترات حياتى
حتى ادرك احد الشباب موقعى الممتاز وهنا بدأت قصتى مع البوسترات
اتقسمت الحيطه جزئين جزء للعايا عن البرنس و الكبده و نص ع جيم فاتح جديد
الدهان بيروح وييجى ف المجمل منهم كورسات تنميه بشريه اللى ادتنى احساس انى لو شديت حيلى ممكن اقلب بنى ادم
او استاذ محسن فايد اللى بدأ ب ويل ديورانت الثانويه العامه و تقريبا محدش فهم فحوله ل سليم حسن و بعد كده الرافعى و بعد كده الجبرتى ولما زهق من عدم فهم الناس كتبلعم "محسن فايد بتاع تاريخ ثانويه عامه "
حيطه مالهاش ف السياسه لحد ما جالى زوار الفجر لونوا الحيطه ابيض ورشوها ملح و كتبوا "الاسلام هو الحل"
منكرش فرحتى بس للاسف كلها ساعتين و لقيت زوار بعد الفجر واحد قال للتانى "شوفت ولاد الوسخه بيربطوا الاسلام بحيطه كانت مبوله امسح يا ابنى امسح"
ومن يومها وانا بكره زوار الفجر
وملانى بوسترات انتخابات الحزب الوطنى
الحقيقه كنت بحب بوسترات الحزب الوطنى كانت بتعيش البوستر من دول يتلزق ميتشلش الا ف الانتخابات اللى بعدها بوسترات لا يؤثر فيها عوامل زمن كده
النحت والتعريه مش معارضه
كانت بتتشال مع زوار بعد الفجر وتتبدل ل "نعم للدستور" "كمان فتره يا ريس"
لحد ما جالى شعار جديد اتلخص ف " كفايه" وبعدها " 6 ابريل"
استغربت زوار بعد الفجر اتأخروا ليه بس برده شالوها وحطو "مصر جمال"
مصر طول عمرها جميله ع فكره
صحيت في يوم ع كتابه "عيش حريه عداله اجتماعيه" فرحت بءا زوار بعد الفجر جايين بس مجوش
شويه واتبيضت واتكتب نعم
جه واحد خلاه لا
شويه وواحد كتب "يسقط يسقط حكم العسكر"
اتشالت اول 3 جمل و اتحول "العسكر فوق راسنا"
اتبرجلت انا مين فيهم
استنيت شعار زوار الفجر مع كرهى ليهم كل يوم مستنيه ساعه الفجر مبيجوش
لحد ما عرفت انهم جم بس مكتبوش عليه
شوفت بعيد لقيت اللى كان بيكتب عليه كاتب جمله مفهمتهتش منها غير "حمل"
معرفتش ده بءا اللى قبل الولاده و الا الرفع و الا العبء
استنيت بوسترات الحزب الوطنى بس لاقيت صوره كبيره كلها دقون وسطهم صوره ورده
قولت بس اكيد دى ورده حضرت تنميه بشريه
دولتنا بتقدر اللى بيتعب
وفضلت ف فراغ كبير
اتبيضت واتدهنت
"تمرد 30/6" مفهمتش
"يسقط يسقط حكم المرشد"
شويه ورجع زوار الفجر الفجر
شويه و اخر 3 حروف اتشخبط عليهم واتبدلو ب "عرص" و اتكتب عليه خمس مرات 4
شويه و اتشال اول حرف من اول كلمتين و اتحط "مرسي" ف الاخر واتشخبط ع "4"
قولت للى كتب العفو
اللى كتب لا جه يكتب نعم
واللى كان حولها ل نعم حولها تانى ل لا
بصره
شويه و اتبيضت الحيطه خالص واتقسمت نصين
النص الاول اتكتب فيه "ليه تبءا رئيس وينادوا بسقوطك لما ممكن تجيلى وتنجح ا محسن فايد نيوتن التاريخ ف الثانويه"
الحيطه التانيه اتكتب عليها
"سيبك من اباحيه السياسه وخليك ف الاباحيه بتاعتنا كوارع البرنس افشخ من سوبر فياجرا باب المطبخ_COOK DOOR_ "
وهذه شهادتى
الامضاء "حائط مصرى مش فاهم وضعه الدستورى"
ليست هناك تعليقات:
إرسال تعليق